Beanswork (已結業)

一间细细的餐厅, 有工业风的装修, 落地大玻璃, 系繁忙铜锣湾的一角带点休闲感, 晚餐就决定系到食啦.有点肚饿的关系, 都点了不少. 先黎肉眼扒沙律和烟三文鱼沙律. 两者的沙律菜都新鲜的, 肉眼扒就煎得比较熟, 比较可惜但都软腍的. 沙律中会夹带一些士多啤梨和蓝莓, 食落清新, 再配橙味酱汁可以减轻食肉的油腻感, 唔错. 烟三文鱼就砌咗朵玫瑰花, presentation都几特别. 用上黑醋做汁, 唔酸反而系甜的.小食都点了两个, 芝士烟肉酿烤菇和炸薯条配黑松露酱. 烤菇配芝士烟肉系无得输, 而烤菇够厚身, 多汁. 薯条炸得刚刚好, 外边够脆, 中间仲有薯肉食到. 而且冻咗都仲好脆. 至于黑松露酱味道不错, 松露味够突出.主菜要了个龙虾汁虎虾意大利面, 每条意粉都吸收到龙虾汁, 味道够晒浓郁, 虎虾爽口但不够大只.最后甜品系枫糖什苺窝夫和法式焦糖炖蛋(自家烘焙茶味). 窝夫卖相几靓, 可惜唔脆, 有点腍身. 炖蛋甜度适中, 不过茶味不够浓, 唔系好食到茶味.最后, 因室内空间不大, 同隔离张枱都非常近, 完全听到人地讲紧咩.