榕記車仔麵 (已結業)

巧手车仔面平时都好少特登去食车仔面 但见屋企附近有间几多好评嘅车仔面于是去试下。我同老公每人都嗌咗啲唔同嘅嘢食一齐试，我叫咗呢度最出名嘅金虫草野菌养生汤底，老公就叫咗黑椒猪肚汤底; 嘢食嚟到之后我哋第一时间试咗个汤先我个金虫草汤颜色都几浓郁，味道几好清甜，老公𠮶个就少少辣，味道啱啱好; 车仔面嘅𩠌我哋叫咗陈皮鱼蛋、牛丸，牛腩，猪软骨、冬菇等， 特别值得赞嘅系牛丸同牛腩，牛肉咬落去几多肉汁，而牛腩好入味同好淋身， 我哋仲另外叫咗小食，有酸斋，猪手同埋鲍鱼， 酸斋同猪手呢都几好食，同埋份量都几大，两个心都够，其实都系贪得意叫鲍鱼试下，觉得食车仔面有鲍鱼都几招积🤭 整体嚟讲呢呢间车仔面都做得几有心，有好多款式选择都食得出佢哋有精心炮制嘅汤底同配料，所以如果放工想快食嘅话，榕记都应该系个唔错嘅选择。