影片
更多
2015-04-15
476 浏览
黎过几次新港大代都无缘试试，今晚路过找紧机会。咁多间，就由乐也楼开始啦！远望都大慨知道卖啲咩既，点心、蒸饭。行埋黎睇真啲，仲有炒粉面饭、蒸𩠌饭餐添。夏天都未到已经出定冬瓜粒汤饭喇？果然要快人一步，早著先机！$38 蚊好经济噃。用木牌展示点心名都几古式古乡几吸引，比用胶牌更好，但系深啡色底配黑字睇得好辛苦。估唔到依间舖都几大几深㖞，除左眼见楼面宽倘，另外右手边入去仲有厨房添。调查完一大轮，到最阶段要决定食咩喇。一向去酒楼饮茶都无留意点心卖几钱，因为只系 mark 大中小点、超点特点，好少专登拣 menu 对价钱。不过依明码实价、一目了然，原来一笼点心系咁贵架！惊讶！炒粉面饭、点心蒸饭定价都好合理，都未算贵得离谱，只系蒸饭 $33，咩质数开依个价呢？由细到大都非常迷恋大埔 No.1 排骨饭，都唔洗廿蚊，睇黎可以验一验咩料先！是日独独晚餐一盅两件送例汤多谢 $79 蚊，系咪正常尖沙咀价呢？无纸巾、无水、无茶、无辣椒油、自助餐具、自助调味料，自己招呼自己。个拓盘干唔干净架？我唔敢放筷子匙羹落盘度啰，都系自己揸住算喇。但最终匙羹放落汤度，但太顺手将筷子掉反系盘，无奈啰。观察一下，硬胶外卖碗蒸饭？
黎过几次新港大代都无缘试试，今晚路过找紧机会。咁多间，就由乐也楼开始啦！
远望都大慨知道卖啲咩既，点心、蒸饭。行埋黎睇真啲，仲有炒粉面饭、蒸𩠌饭餐添。夏天都未到已经出定冬瓜粒汤饭喇？果然要快人一步，早著先机！$38 蚊好经济噃。
用木牌展示点心名都几古式古乡几吸引，比用胶牌更好，但系深啡色底配黑字睇得好辛苦。估唔到依间舖都几大几深㖞，除左眼见楼面宽倘，另外右手边入去仲有厨房添。
调查完一大轮，到最阶段要决定食咩喇。一向去酒楼饮茶都无留意点心卖几钱，因为只系 mark 大中小点、超点特点，好少专登拣 menu 对价钱。不过依明码实价、一目了然，原来一笼点心系咁贵架！惊讶！
炒粉面饭、点心蒸饭定价都好合理，都未算贵得离谱，只系蒸饭 $33，咩质数开依个价呢？由细到大都非常迷恋大埔 No.1 排骨饭，都唔洗廿蚊，睇黎可以验一验咩料先！
是日独独晚餐一盅两件送例汤多谢 $79 蚊，系咪正常尖沙咀价呢？无纸巾、无水、无茶、无辣椒油、自助餐具、自助调味料，自己招呼自己。个拓盘干唔干净架？我唔敢放筷子匙羹落盘度啰，都系自己揸住算喇。但最终匙羹放落汤度，但太顺手将筷子掉反系盘，无奈啰。
观察一下，硬胶外卖碗蒸饭？胶碗仔例汤？胶硬鸡扎？胶感烧卖三粒？好惊，怪怪的。
例汤免费粉葛花生汤，单点要 $18 蚊架，应该唔会系白胶细碗挂。味道又几好㖞又够热，粉葛同花生味都好出，但点解咁甜既？蜜枣？
猪肉烧卖，明明 menu 上面有冬菇烧卖、鲜虾烧卖，但咁啱无晒。我当然系成粒烧卖啪入口啦！温度都够热，肉味香浓而且咬落结实微弹，一笼有三大粒，满意㖞。试埋跟辣椒酱食先，个酱好咸！都系食原味啦。
鱼肚滑鸡扎，系咪坚滑先？鸡扎蒸到干争争，腐皮硬晒、鸡柳硬晒、火腿硬晒！鱼肚属爽口型，唔系棉滑型，质地免强合格。最讨厌大陆假蟹柳，硬实又甜笠笠，颜色核突，胶感十足。整体味道唔难食，入得口既。
凤爪排骨饭，无净排骨饭，无所谓。哗！好硬胶㖞！胶碗蒸饭？大开眼界啦，由幼稚园已经开始食排骨饭既的我，胶碗都系第一次，您系劲既！大代硬胶外卖碗排骨饭感觉劲 cheap，仲要 $33 蚊添！
饭粒劲湿劲腍又烂，浆住个咀，但我真系肚饿格硬食左四五啖，最后都要放弃唔食。排骨偏肥，味道满意既。凤爪超咸，shit！唔想浪费唯有硬食。甜豉油其实调得唔错架，清香不太甜，不呛不浊。
点心全部食晒，例汤偏甜饮剩半碗，凤爪超咸、排骨偏肥都食晒，饭又湿又烂顶唔顺留低大半碗，最后居然系食唔饱啰！算、返大埔饮酒。
张贴
