影片
更多
2017-04-25
282 浏览
应承咗朋友陪佢去西营盘附近睇中医，睇完中医已经入夜而且天气不稳定不时落雨，于是决定揾地方食嘢避一避， 误打误撞就入咗呢间餐厅，有个男侍应（后尾知道原来系老板）好有礼貌咁招呼我地，由于落雨天气稍凉，老板好快咁比两杯热水我地暖暖胃（好窝心）之后当然系拣嘢食啦，老板好友善介绍咗不同既选择比我地，朋友拣咗个西式晚餐一直都以为呢度只有西餐食，但原来又唔系㖞，竟然比我发现咗我至爱既鳗鱼饭，当然拣佢啦先黎𠮶红汤，好足料好入味，D料又够淋，一吓只就比我全部食哂我贪心又偷饮朋友既白汤，又几好味㖞，D料大部分都打碎晒融入啲汤度紧好味啦之后有个迷你牛角饱，食咗一啖好香牛油味，好快就好想食第二啖，我同朋友讲好好食，老板行过听到就话呢个牛角饱系故意做细个D，食落口感会好好多而且唔会太饱而影响食主菜既胃口，老板真系老板，咁微细既环节都有同理心去考虑过之后我至爱既鳗鱼饭送到见到都觉肚饿食啖饭有少少酱汁甜甜地，配合少少紫菜及中华沙律一齐食味道唔错，再食主角鳗鱼唔会林bet bet又唔会太硬，味道亦调配得好好我哋仲叫咗小食（鱿鱼及虾） 吉烈虾好似轻轻深色咗DD，但食落又唔觉过火㖞，鱿鱼都几好食须然炸过但依然有D鲜味，配
一直都以为呢度只有西餐食，但原来又唔系㖞，竟然比我发现咗我至爱既鳗鱼饭，当然拣佢啦
先黎𠮶红汤，好足料好入味，D料又够淋，一吓只就比我全部食哂我贪心又偷饮朋友既白汤，又几好味㖞，D料大部分都打碎晒融入啲汤度紧好味啦之后有个迷你牛角饱，食咗一啖好香牛油味，好快就好想食第二啖，我同朋友讲好好食，老板行过听到就话呢个牛角饱系故意做细个D，食落口感会好好多而且唔会太饱而影响食主菜既胃口，老板真系老板，咁微细既环节都有同理心去考虑过
之后我至爱既鳗鱼饭送到见到都觉肚饿食啖饭有少少酱汁甜甜地，配合少少紫菜及中华沙律一齐食味道唔错，再食主角鳗鱼唔会林bet bet又唔会太硬，味道亦调配得好好
我哋仲叫咗小食（鱿鱼及虾） 吉烈虾好似轻轻深色咗DD，但食落又唔觉过火㖞，鱿鱼都几好食须然炸过但依然有D鲜味，配合埋D酱汁就仲野味，最重要系两款炸物完全唔觉太油！其实老板介绍咗好多唔同既菜式但可惜我哋食量有限，唯有留待下次吧
呢餐饭一路食一路不断再有其他食客黎光顾，见到每枱食客老板都好似同佢哋有讲有笑咁，见到老板同D客讲，今日有咩好介绍、或者可以试吓呢个那个……呢个过程中可以睇到D客都好受落老板既亲切态度，我好欣赏老板有窝心既热诚呢一餐食得几开心，食客气氛好，嘢又好食，我会再黎的
张贴
