百匯酒家 (已結業)

一早起身落筲箕湾饮早茶，谂住叫点心食下。上到去已经好多人，细枱基本上净翻一两张，好难得先揾到一张枱。早餐有自选孖宝，叫左一个A餐，蟹籽烧卖王拼蜜汁叉烧肠。同埋一个B餐，凤爪排骨饭拼皮蛋肉碎粥。粥味道普通，似屋企自己煮嘅质素。排骨饭嘅排骨几肥，食落排骨味几香，凤爪有少少咸。叉烧肠味道唔差但系层皮真系好厚好粉，叉烧唔多，冇乜味，好彩有豉油搭救。烧卖巨伏，好少会食到唔好食嘅烧卖，但上层烧卖好硬，下面好粉，食左一啖已经想放弃佢。以普通茶楼嚟讲，价钱唔算贵，本身都觉得可以接受，但系食左个烧卖决定唔推介。建议如果真系食都唔好叫烧卖。