新景園咖喱小廚

营业中

休息中

星期六中午时间嚟到，排咗大约半个钟。基本上每枱都有嗌干炒牛河同咖喱猪扒/鸡扒饭，我就嗌多咗碗中汤。干炒牛河 （$90）超巨型，份量足够两位成年女士食😂好多牛肉，炒得好好，河粉条条分明👍🏻河粉冇想像中咁浓味，主要系牛肉带出味。另外油光十足，不过干炒牛河就系要多油先炒到。咖喱猪扒饭 （$98）有足足三大块炸猪扒！趁热食时猪扒外脆肉嫩、有肉汁。咖喱好香好够辣！一碟饭够食两餐😂老火靓汤 （$15）大碗足料，里面有好多雪耳同猪肉。堂食有最低消费$83，份量实在太大，食唔晒可以打包。食完大约两点几，已经冇晒干炒牛河。