金田長壽司 (已結業)

听闻过金田长既八吋长寿司，好似几得意。一行5人黎见识下，究竟有几长有几大？由于唔知份量，为免叫得太多，几样几样咁叫。先黎个蟹籽沙律，有大同细拣。我地都系保守派，拣左细。其实已经好大，几新鲜，青瓜丝咬落都好爽。特级火山卷真系几大，一件重大过平时4件加州卷叠埋。都系噱头成份居多，味道同普通加州卷无异，入面系青瓜，玉子，蟹柳，渍萝卜。上面薄薄一块三文鱼，加大量沙律酱同蟹籽。贪得意试下系唔错既。北海道带子花之恋唔错，带子几甜，又系好慷慨既蟹籽。八吋长寿司，就系为左佢而黎。见到实物总算冇失望，真系好长，好特别。 味道都唔错，特别系牛油鱼，好香。唔知系咪食惯左，虽然八吋长好有新意，但食落都系钟意食正常个D。熟食冇乜特别，正常quality。卷物都可以。意式反卷，海胆上面有少少黑松露酱，都几香，不过一齐食，味道唔算好夹。炸虾卷都唔错，吉列虾好脆。整体食物唔错，再加上创意，难怪好评如潮。