黑木亭居酒屋 (金馬倫道)

位于金马伦道嘅日式居酒屋——黑木亭，以日本街景为主题，就连碗碟都系可爱嘅小樱花🌸，环境气氛完全充满住日式风情🇯🇵！一场嚟到，当然必点餐厅嘅招牌菜：日本啤酒拉面（$98）🍺🥢，冷面嘅口感爽滑弹牙，捞埋上层绵密嘅忌廉奶盖一齐食，满满嘅满足感❤️；而且又有半熟流心蛋、紫菜、萝卜蓉、芥末、葱花作配料，多种口味任你配搭。虽然系用咗个巨型啤酒杯装住，但系又唔洗担心，完全冇酒精，未成年嘅小朋友都食得㗎🤪。餐厅嘅A5宫崎和他他配洋葱及特制酸汁（$199）🐂都同样非常岀色，入口即融，油脂系口腔入面爆晒岀嚟；配埋生鸡蛋同洋葱一齐食，又系另一种滋味🤤！我自己都钟意浓煮鲍鱼豚角（$128）🤎，食落去有啲似东坡肉咁🙈，非常软淋，一咬即散，而且都非常入味👍🏻！钟意食生蚝嘅朋友仔，就唔好错过佢哋嘅海产细味六杯（$199）🦪！用Tequila shot嘅小酒杯装住咗3️⃣种唔同口味：泰式酸辣酱、鸡尾酒酱、经典日式酸汁，一杯一啖，生蚝新鲜又Creamy，值得一试！饮品方面，我哋就试咗芒果乌龙熊茶（$58）🥭🐻同埋北海道士多啤梨牛乳乳酪（$48）🍓🥛，完全打卡一流之选，颜值劲高，而且水果非常丰富！