影片
更多
2017-06-21
2282 浏览
约左好姊妹饭聚，可惜我临时要OT迟大到，真系SORRY!!!黎到两个姊妹都正在开餐，好彩另一个姊妹就话食左TEA唔饿等埋我。好姊妹诚意推介，佢饮完话好正 - 我爱金莎(特浓金莎朱古力雪冰)$78，如果叫野食，跟餐价就$45，心谂: 都唔平㖞! 点知一黎到，不禁「 哗」一声! 一只高杯都装唔晒，仲要高成倍。高出黎呢坐「雪山」真系好高，山顶仲有粒金莎。因为惊佢「雪崩」，都即刻啜多几啖先。好浓朱古力同榛子味，难得佢唔太甜，正~呢杯嘢两个人「些牙」都得，所以加$45其实一啲都唔贵。黑松露香煎鹅肝意大利饭 $168，望落去以为饭好少，其实只碟好深吓，饭量好鬼多。呢只碟设计唔错，可以保持食物温度，等啲野食唔会摊开咁快冻(意大利饭冻左就唔好食)，外围又可以加装饰伴碟或画图案。块鹅肝好大好厚，封煎得两面微焦，好香脆，有恰到好处嘅膻味。面头仲有黑松露酱增加味道层次。意大利饭好烟韧，好CREAMY，仲有好多菇菌，好足料。成个饭味道好好味，但略嫌偏咸扣左分。厚烧安格斯肉眼扒$208，睇摆碟已经好精美。又系超级巨型，成支义咁阔，好夸张啫。肉质都几鲜嫩，食得出牛味好重，系安格斯黎。我地叫左五成熟，但出到嚟就有啲
好姊妹诚意推介，佢饮完话好正 - 我爱金莎(特浓金莎朱古力雪冰)$78，如果叫野食，跟餐价就$45，心谂: 都唔平㖞! 点知一黎到，不禁「 哗」一声! 一只高杯都装唔晒，仲要高成倍。
我爱金莎(特浓金莎朱古力雪冰)
$45
41 浏览
1 赞好
0 留言
黑松露香煎鹅肝意大利饭 $168，望落去以为饭好少，其实只碟好深吓，饭量好鬼多。呢只碟设计唔错，可以保持食物温度，等啲野食唔会摊开咁快冻(意大利饭冻左就唔好食)，外围又可以加装饰伴碟或画图案。
黑松露香煎鹅肝意大利饭
$168
15 浏览
0 赞好
0 留言
面头仲有黑松露酱增加味道层次。
意大利饭好烟韧，好CREAMY，仲有好多菇菌，好足料。成个饭味道好好味，但略嫌偏咸扣左分。
厚烧安格斯肉眼扒$208，睇摆碟已经好精美。
厚烧安格斯肉眼扒
$208
20 浏览
0 赞好
0 留言
肉质都几鲜嫩，食得出牛味好重，系安格斯黎。我地叫左五成熟，但出到嚟就有啲部份系差唔多七成熟，算系少少失手，不过肉眼扒肥瘦适中，都算系唔错。
扒嘅底下仲有薯角，吸收左啲肉汁更惹味。好饱肚呀。
食完饭大家吹水谈心，突然间熄左灯，原来有两枱都有人生日(乜咁啱)，大家唱生日歌，一杯杯用巨型嘅香槟酒杯盛载嘅巨型雪糕被捧出黎，大到两只手先捧得稳。咦.....我地都有嘅?! 我地冇人生日㖞，除左我系下个月生日。好惊喜，哦，原来食满$800(加一后)就有得送$198嘅怪兽雪糕一杯(事实上系一座)。
第一个感觉系震憾惊喜，之后我地几个就对住座雪糕傻笑「Hahaha，点食呀，仲话减肥」，然后就梗系疯狂影相放上FB呃Like啦。系咁影呀📷影呀📷影📷! 影到溶晒先记得帮佢影张独照。
怪兽雪糕
34 浏览
0 赞好
0 留言
座雪糕唔系只sell巨型，啲雪糕球质素都好高。每一球都系软滑而且味道十足，睇下个士多啤梨味有果肉架，唔系cheap野黎，全部都系Dreyer's黎架，真系诚意十足。
成个杯底都朱古力威化。
仲有新鲜士多啤梨、棉花糖、可可脆片……
佢本来系高过我前臂加手掌架，真系好颠。呢个甜品真系4个人食都觉得多，就算要俾$198都算系性价比十足，而家仲要免费。最紧要系大家笑住食，一边食一边疯狂影相，咩仪态咩减肥都暂时放埋一边，此刻无价。
食完野「两只」店长都训醒觉出巡，注意📢📢 猫出没注意
两只猫店长都好乖，人地食野佢就训觉(佢训觉就唔好摸佢喇，扰人清梦，小心被教训!)，人地食完佢地就出黎玩，仲任摸任抱。
餐厅布置得俾人感觉好relax，内部装潢以白色为主，仲有大彩虹，櫈就花花图案，窗帘就粉蓝色天空图案。呢度地方唔大，装修又唔系豪华，但感觉好温馨又relax。
仲有啲小游戏可以玩，啱晒一大班friend嚟轻松一晚。
全部野食都好巨型，又几好味，本来OT好辛苦，食完真系大减压，大满足。同知己好友食个令人开心嘅晚餐，无所不谈，开怀大笑一整晚，其实开心就系咁简单!
张贴
