餃子屋

营业中

休息中

食过几次饺子屋，都要排队等位堂食。今日想快啲翻到屋企，决定买外卖同生饺。我叫左6只芝士猪肉汤饺外卖，要鱼胶淮山煲猪骨汤，半打粟米香菇猪肉生饺同半打紫菜猪肉生饺。6只芝士猪肉汤饺$40+$1外卖盒芝士饺系我嘅最爱，第一次食嘅时候觉得芝士味好出，每粒水饺都好足料，比起一般出边食嘅饺子再大粒好多，加埋香辣嘅菜脯一齐食更加惹味，不过食食吓都几辣！个汤底好好饮，不过比起堂食个份量就少啲，同埋食完之后都有啲口干。粟米香菇猪肉生饺，芝士猪肉生饺各半打$48晚餐喺屋企煮几只水饺食，点知煮完到食落先知原来佢卖错饺子比我，明明我叫半打紫菜猪肉饺，点知比错左芝士猪肉饺我！虽然我系中意食芝士，不过一日食两餐芝士猪肉饺点都会滞咗少少。粟米香菇猪肉饺就正常水准啦。冇得食紫菜饺有少少失望！希望下次可以做得好啲。