傲嚐 (已結業)

难得相约到一班朋友聚餐, 个人觉得最开心是吃海鲜的了, 舍弃传统吃海鲜的地方如三圣邨、流浮山, 有人提议去工厦揾食, 更加实惠和好食, 以人头计每人四百, 就睇睇有咩食。前菜腌苦瓜和青瓜冻冻地, 少少辣, 几惹味, 苦瓜唔苦, 味道是甘甜, 令人特别有印象。焦盐四季豆配上炸软骨鸭舌, 好香口惹味。胡椒猪肚汤超浓香, 无内脏怪味, 猪肚洗到好干净, 每人饮到一大碗, 食埋汤渣仲得。冰镇鲍鱼劲大只, 超爽弹, 又有鲜甜味。上汤龙虾伊面, 龙虾好巨型, 好震撼, 睇到大家哗哗声, 上汤汁好鲜味, 龙虾肉弹牙新鲜, 伊面吸收鲜味, 超水准。圣子皇比我食过的都大只, 是皇中之皇, 蒜茸好香浓。炸子鸡个人无食,因为留肚食海鲜, 印尼虾片是脆卜卜的。清酒煮花甲, 花甲又劲大只, 唔会煮到太老, 刚好, 保留鲜味, 加左好多萝卜条一齐煮, 汤底无咩酒味, 不过好鲜甜, 又有少少胡椒香, 都被清晒。蒸鱼又系好够份量, 蒸到刚刚熟, 火喉控制得好, 鱼肉滑唔腥。姜葱炒蟹个汁好惹味, 调较得刚好, 个人稍嫌食蟹较麻烦, 无之前的海鲜咁啖啖肉。最后炒油麦菜, 炒到个菜好绿, 有菜香又唔系好油, 又系劲大碟。今