Primo (已結業)

同朋友倾计饮野，最紧要有美味嘅pizza相伴，今日呢间位于湾仔嘅primo就相当适合。食肉兽薄饼$158 + $10转薄脆批果然无拣错，饼底够香脆，辣肉肠辣度惹味得嚟唔会太刺激，好多香港人食唔惯黑橄榄，但我觉得呢个pizza同橄榄味道好夹，烤过嘅橄榄香味更出。鸡肉牛油果潜艇堡$128面包烤得好香， 大大块鸡肉配半溶芝士，加上爽口蔬菜，香滑牛油果，每一啖都非常充实。推荐大家试下呢度嘅甜薯条，即蕃薯条，炸得外脆内软，食落带点蕃薯自然甜味，食到停唔到口。芒果酱芝士蛋糕 $62浓厚芝士配新鲜蓝莓同士多啤梨，有甜酸味作平衡，令到整体感觉唔会腻。