影片
更多
2016-06-12
1271 浏览
早前系网上见到黄埔开左间新既韩国餐厅，仲有巨型既饭卷食，就趁住星期六放假同朋友过黎行街，顺便试下呢间新餐厅啦。唔知系咪因为系网上做过宣传既原故，未到7点已经有等位，好在我地人少，所以好快就有位啦。睇过餐牌之后，发现餐牌上大部分食物同系饭卷同饭团，咁呢两样野都应该几出面架啦，就叫左一份饭卷同一个冷面试下啦。落单后无耐，店员就俾左一小碟小食我地，似系腌萝卜加鱼糕既野。过左一阵，冷面就到啦。韩式泡菜冷面: 上菜时好冰冻，因为个面都落左唔少冰，冷面系用荞麦面，放系一个好重泡菜味既汤底到，加左只蛋同埋少量纸菜整成。汤底好香口，食落好开胃又唔辣，唔错。食到一半，饭卷就到啦。其实由细到大我都一直以为韩式饭卷都系叫左寿司，原来呢种叫法系错架。寿司(sushi) 同饭卷(gimbab) 主要分别在于饭既调味方面 ， 寿司饭用米醋调味，而紫菜饭卷既饭用麻油 + 盐调味。我地叫既饭卷系辣椒炭烧猪肉紫菜饭卷，点解呢? 原因系因为见到炭烧猪肉紫菜饭卷系Signature dish，但系因为喜欢食辣，想试下呢款加左辣椒既饭卷。一份饭卷有足足十件，听落唔系好多，但系原来一件既直径都有成3个一蚊银咁长架，里面有日本萝
唔知系咪因为系网上做过宣传既原故，未到7点已经有等位，好在我地人少，所以好快就有位啦。
睇过餐牌之后，发现餐牌上大部分食物同系饭卷同饭团，咁呢两样野都应该几出面架啦，就叫左一份饭卷同一个冷面试下啦。
落单后无耐，店员就俾左一小碟小食我地，似系腌萝卜加鱼糕既野。
过左一阵，冷面就到啦。
韩式泡菜冷面: 上菜时好冰冻，因为个面都落左唔少冰，冷面系用荞麦面，放系一个好重泡菜味既汤底到，加左只蛋同埋少量纸菜整成。汤底好香口，食落好开胃又唔辣，唔错。
食到一半，饭卷就到啦。其实由细到大我都一直以为韩式饭卷都系叫左寿司，原来呢种叫法系错架。寿司(sushi) 同饭卷(gimbab) 主要分别在于饭既调味方面 ， 寿司饭用米醋调味，而紫菜饭卷既饭用麻油 + 盐调味。
我地叫既饭卷系辣椒炭烧猪肉紫菜饭卷，点解呢? 原因系因为见到炭烧猪肉紫菜饭卷系Signature dish，但系因为喜欢食辣，想试下呢款加左辣椒既饭卷。一份饭卷有足足十件，听落唔系好多，但系原来一件既直径都有成3个一蚊银咁长架，里面有日本萝卜，蛋，蟹柳，红萝卜，烧猪肉同埋辣椒。
烧猪肉几香炭火味，口感几干身，同其他材料一齐食口感好特别，起初同辣椒一齐食既时候完全唔觉得辣，但系越食会越辣架，可惜餐厅既水要另外加钱要，咁唯有饮住免费提供既汤先啦。
D 汤饮落似系味噌汤，几重胡椒同萝卜味，但系因为比较热既关系，完全解唔到辣。整体黎讲呢到食物都环境都唔错，如果清水可以唔另外Charge客人既话，感觉上会更加好。
张贴
