影片
更多
2023-03-02
3515 浏览
大概四年前，佢啱啱开嘅时候食过一次仲记得系食佢个韩式拌饭，觉得一般，味道清淡四年后嘅今日决定再试多次😗因为想食佢个饺子王，加上见佢多咗好多好评，可能进步咗仍然走零味精零防腐剂健康路线，餐牌亦完全冇变▶️ 韩式前菜先黎个泡菜腌萝卜，大大粒一开始以为系薯仔🙈食落唔会太辣又够咸酸开胃，咬落非常爽脆👍🏻▶️ 雪浓汤 ($148)见唔少人推介，写话系用牛骨长时间熬制而成汤底清澈雪白色，热辣辣好啱冬天饮，味道清淡而唔油腻本身材料唔多，主要系煲淋咗嘅洋葱🧅青葱同薄切牛肉牛肉份量合理，味道新鲜有牛味，肉质几淋唔韧，间中有啲软骨位，黏黏地好似啫喱咁🐂同时冇咩肥膏，食得出同一般肥牛嘅分别不过觉得如果佢加番多啲蔬菜，材料丰富啲会好食啲，依家层次口感上有啲单调，同埋毕竟都要$150/个汤▶️ 素面 ($25)除咗素面，可以加红米饭或者荞麦面，不过呢两个平日食得多，唯一系素面未试过原来素面唔系指素食嘅面，而系日式流水细面🍜原先谂住用沾面方式食，因为惊佢会冧晒，点知佢就黐埋咗一旧🙃最终都系成个揼落汤度食质感比想像中好啲，有少少似超幼身嘅米粉，食落好滑身好顺，不过始终冇荞麦面咁烟靭爽口，比较易断▶️ 原味石锅芝士拌饭 ($
仲记得系食佢个韩式拌饭，觉得一般，味道清淡
四年后嘅今日决定再试多次😗因为想食佢个饺子王，加上见佢多咗好多好评，可能进步咗
仍然走零味精零防腐剂健康路线，餐牌亦完全冇变
▶️ 韩式前菜
先黎个泡菜腌萝卜，大大粒一开始以为系薯仔🙈
食落唔会太辣又够咸酸开胃，咬落非常爽脆👍🏻
▶️ 雪浓汤 ($148)
见唔少人推介，写话系用牛骨长时间熬制而成
汤底清澈雪白色，热辣辣好啱冬天饮，味道清淡而唔油腻
本身材料唔多，主要系煲淋咗嘅洋葱🧅青葱同薄切牛肉
牛肉份量合理，味道新鲜有牛味，肉质几淋唔韧，间中有啲软骨位，黏黏地好似啫喱咁🐂同时冇咩肥膏，食得出同一般肥牛嘅分别
不过觉得如果佢加番多啲蔬菜，材料丰富啲会好食啲，依家层次口感上有啲单调，同埋毕竟都要$150/个汤
雪浓汤
$148
63 浏览
0 赞好
0 留言
▶️ 素面 ($25)
除咗素面，可以加红米饭或者荞麦面，不过呢两个平日食得多，唯一系素面未试过
原来素面唔系指素食嘅面，而系日式流水细面🍜
素面
$25
59 浏览
0 赞好
0 留言
原先谂住用沾面方式食，因为惊佢会冧晒，点知佢就黐埋咗一旧🙃最终都系成个揼落汤度食
质感比想像中好啲，有少少似超幼身嘅米粉，食落好滑身好顺，不过始终冇荞麦面咁烟靭爽口，比较易断
▶️ 原味石锅芝士拌饭 ($118)
望落七彩缤纷几靓🌈上枱捞嘅时候中咋咋声
除咗红萝卜丝、紫菜、翠玉瓜、菠菜、芽菜、冬菇之外，唔少得我哋嘅主角芝士
🧀芝士俾石锅烧到㶶㶶哋，同时俾热力搞到溶溶地，一捞起嘅时候就有拉丝效果! 即使芝士份量唔少，食落唔漏，可能因为呢只芝士本身唔太咸
底部用嘅饭系红米饭，咬落比较有质感🍚捞埋芝士令佢有啲似糯米饭口感，几特别
味道方面相对清淡一啲都唔油，落咗辣酱依然偏淡味，系一个健康嘅石头锅饭👍🏻
原味石锅芝士拌饭
$118
81 浏览
0 赞好
0 留言
▶️ 饺子王 ($18)
超巨型饱满饺子，一个拳头咁大👊🏻放喺个蒸笼仔入边好精致
入面除咗碎猪肉馅，仲加入咗韩式粉丝、韭菜、豆腐，十分丰富
馅料调味几浓，应该落咗麻油胡椒粉黑椒呢啲，稍为觉得佢咸咗少少但可接受，顶多系唔需要再落豉油
饺子皮厚度适中👍🏻仲非常之烟靭添😍(尤其钟意啲折叠左嘅位置)
🥟饺子控必试，推介！
饺子王
$18
25 浏览
0 赞好
0 留言
▶️ 泡菜饺子王 ($18)
同上面𠮶个一样，只系加入左泡菜
不过味道都唔会好辣
-
味道方面几惊喜，比起第一次食嘅印象好大差别💕明显进步咗好多
自己最钟意系佢嘅饺子王🔥石锅拌饭都好唔错
不过个雪浓汤同素面就比较一般，见人哋隔篱枱叫嘅人参鸡会多料好多
环境算舒服，虽然舖仔细细但装修令人感觉舒服
服务超好，记得上次嚟嘅时候剩系得一个识讲韩文嘅侍应，今次呢个后生女侍应超有礼貌又醒目☺️
价钱偏贵少少，主要系因为饭/面要另加钱
今次食平均$180/人，好睇你叫嘢食嘅组合同埋叫边个汤
不过佢算系我起尖沙咀韩国街入边食过几有质素嘅一间，起码啲嘢食打卡-able📸
张贴
