餃子屋

营业中

休息中

食过几次，淮山汤有时咸啲有时淡啲，所以虽然佢话冇味精但系喊啲嘅话饮完都会觉得口渴。呢度嘅一只饺子等于人哋一只半，食完六只加埋面其实都真系好饱。煎饺煎得好香口，加上天气热食完汤饺仲热，所以通常都系食煎饺。淮山面、上海面、米线都食过，我觉得上海面最挂汤。椰菜木耳猪肉汤饺：蔬菜成份较高，由于佢入边有酱料，所以都唔会太清淡。粟米冬菇猪肉煎饺：味道较浓，所以其实唔使加醋都好够味，大大粒粟米同冬菇好足料。肉量比较多。芫荽马蹄猪肉煎饺：芫茜控要试，同之前𠮶两款饺子比呢个比较清淡，仲有马蹄好爽口。落单时最好重复一次，有次阿姐将我煎饺变汤饺。♻️由于呢度系用即弃筷子，所以每次我都自己带支叉嚟食。