影片
更多
2023-03-16
63 浏览
近期返学返到好攰好颓，想揾个可以坐得耐嘅地方同朋友倾吓计，咁啱俾我揾到呢间旺角/油麻地楼上cafeCafe叫「5%」系因为希望客人会每日用至少5%时间同朋友见面Menu选择够多，主要食西餐例如意粉、汉堡包，另外仲有多款饮品同甜品可以同friend一边玩board games(餐厅有80款board game提供♟️)一边食，当系放学／收工轻松吓嘅节目😌▶️ 香脆龙脷柳配牛肝菌汁长通粉 ($118)绝对系佢哋「主打菜」，见个个黎亲食呢个都赞，等我试吓系咪咁真先正常条鱼都系炸嘅，不过因为自己近排喉咙痛，即管问吓佢可唔可以转「香煎」，点知厨房肯帮我做🫶🏻仲话已经尽量煎得好，希望我enjoy，好感动🥹上枱条龙利柳好巨型🐠长度啱啱横跨成只碟，卖相好靓仔香煎龙利柳啖啖肉，肉质唔松散，虽然应该系雪藏嘅，但完全冇雪藏味，反而有鲜鱼味煎得唔油腻又保持到好juicy🤤用香草调味配上鱼柳自身咸咸地嘅味，绝对够味唔会太清淡另外仲俾咗个酸酸地好似他他酱咁嘅沙律酱，可以点鱼柳食，味道相当夹旁边有啲沙律菜同蕃茄🥗底部就系牛肝菌汁长通粉配冬菇牛肝菌汁好食👍🏻同carbonara／黑松露酱唔同，味道上有阵好似牛油又好似芝士
Cafe叫「5%」系因为希望客人会每日用至少5%时间同朋友见面
Menu选择够多，主要食西餐例如意粉、汉堡包，另外仲有多款饮品同甜品
可以同friend一边玩board games(餐厅有80款board game提供♟️)一边食，当系放学／收工轻松吓嘅节目😌
▶️ 香脆龙脷柳配牛肝菌汁长通粉 ($118)
绝对系佢哋「主打菜」，见个个黎亲食呢个都赞，等我试吓系咪咁真先
正常条鱼都系炸嘅，不过因为自己近排喉咙痛，即管问吓佢可唔可以转「香煎」，点知厨房肯帮我做🫶🏻仲话已经尽量煎得好，希望我enjoy，好感动🥹
香脆龙脷柳配牛肝菌汁长通粉
$118
15 浏览
0 赞好
0 留言
上枱条龙利柳好巨型🐠长度啱啱横跨成只碟，卖相好靓仔
香煎龙利柳啖啖肉，肉质唔松散，虽然应该系雪藏嘅，但完全冇雪藏味，反而有鲜鱼味
煎得唔油腻又保持到好juicy🤤用香草调味配上鱼柳自身咸咸地嘅味，绝对够味唔会太清淡
另外仲俾咗个酸酸地好似他他酱咁嘅沙律酱，可以点鱼柳食，味道相当夹
旁边有啲沙律菜同蕃茄🥗
底部就系牛肝菌汁长通粉配冬菇
牛肝菌汁好食👍🏻同carbonara／黑松露酱唔同，味道上有阵好似牛油又好似芝士咁嘅淡香味🧀，好独特！
酱汁份量够覆盖所有意粉，稀杰度到啱啱好，仲非常creamyyy!
意粉整到al dente，长通粉嘅特质系中间啲窿可以「装」住好多酱汁，做到一咬就爆汁嘅效果😋(食到成口cream haha)，蘑菇令口感层次丰富啲🍄
▶️ 蒜香蚬肉意粉 ($98)
呢个套餐冇嘅，要单点
意粉几多，上面放咗唔少有壳嘅蚬肉，不过卖相比较简单
蒜香蚬肉意粉
$98
19 浏览
0 赞好
0 留言
蚬肉应该都系雪藏，但同样冇雪味而有海鲜味，肉质弹牙唔老
意粉有嚼口🍝钟意佢比起外面一般嘅蒜香意粉冇落得咁重橄榄油 (唔会食到成口油，感觉健康啲)，同时够咸味👍🏻
不过朋友希望佢个蒜味可以更香浓，我个人就好钟意呢个意粉
▶️ 雪梨桂花茶 (+$18)
跟餐可以免费叫$38嘅饮品，特饮就补差价
唔想饮冻饮可以饮呢个花茶系列🌸
每个都有唔同功效，我呢个系清热润肺、利咽解毒，啱晒我🙈
成件事好有仪式感，侍应会先点着蜡烛🕯️，然后放壶茶上去慢慢兴热佢
壶茶比想像中大，可以两个人饮
入边放咗唔少桂花茶叶、菊花等，食落好清香，带微微天然果甜味 (但系又好似唔系雪梨味😂)
我同朋友倾足咁耐，壸茶就暖足咁耐🍵
雪梨桂花茶
14 浏览
0 赞好
0 留言
▶️ 冻茘枝绿茶 ($40)
朋友另叫嘅饮品，因为佢冇跟餐饮品
-
食物质素唔错😙两款意粉都好食，钟意牛肝菌汁同香煎龙脷柳，同时都钟意蒜香意粉嘅味道
环境超舒服，啲凳喺梳化🛋️感觉好似喺屋企咁，坐到唔想走(我哋坐咗三粒钟，直到佢哋收舖) 😂
舖头比想像中大同阔落，每个位置都好有私人空间，灯光营造到个气氛好chill，仲有大玻璃可以望到街景，旺中带静🌃
服务好好，超欣赏厨房肯接受客人嘅特别要求🙇🏻♀️服务员都好有礼貌、有少许幽默感
呢度有钟仔叫人，好放便又唔惊举手冇人应，餐厅仲设有免费Wifi
CP值以晚餐来计算几抵食，份量足又好食😌最紧要系成个用餐体验良好，坐得耐都唔会吹你走，除非要收舖～
(不过要留意有最低消费，6pm前$60；6pm后$90)
如果有group project/庄事务/ 一班人开party/ 想玩board game，绝对可以考虑呢间Cafe (咁啱今日后面有班人喺度策划紧婚礼)，真系好舒服唔系讲笑！
张贴
