炭兎

营业中

休息中

朋友推荐炭烧日式料理，平日晚上都座无虚席㖞，我哋被安排坐bar枱，适逢邻座系birthday girl，见证餐厅嘅巨大化庆祝生日方式：香港小姐音乐、后冠、彩带、月亮羽毛蛋糕座、人咁高道具玫瑰🌹 全场气氛超好！其后再播2 rounds 生日歌，真系啱晒生日打卡！好肚饿呀生嘅熟嘅都点吓，先来前菜：惠比须牡蛎及萤光鱿鱼都正而且抵食！刺身set新鲜度可以但未算出色串烧鸡腿肉、鸡柳、鸡软骨，以鸡腿肉最香，外脆内juicy，其他不过不失。终于等到期待已久嘅名古屋炭烧鸡($168)，有炭火香而且入味，我自己就好钟意，份量方面两个人食都好够，多吃会有点腻，一定要饮返杯舒解吓。见好多枱都有巨大化酒杯，胆粗粗问吓店员，原来为寿星仔女而设㗎🥰 不过店员好好人，我叫两杯啤酒佢都照出巨大杯俾我打卡，like～ 埋单人均消费$600+，湾仔区日本菜嚟讲算中上。