NORAYO K.Cafe (已結業)

昨晚下了一場大雨，今早終於涼快得多，把握中午天清氣爽，梳乎蛋又要出動找好hea好吃的。又俾我搵到一家好玩的叫Norayo K cafe， 明明是一家樓上店，但沿著樓梯看著七彩漫畫街道圖走，有置身其中的感覺，如去韓國旅行上山路，不知不覺上了樓，餐廳內的裝潢延續概念，主央有交通燈，設計如個餐車。哈哈！星期日中午人不多，最鐘意無人知道我在 hea！打開餐牌，唔食炸豬排就笨，南山韓式炸豬排，估唔到真的大成咁，名符其實全港最大，好彩我們有3個人，唔只塊排，好似手掌咁闊，仲配飯丶漢堡包及沙律，大胃王都唔會失望！食落鬆化到你唔信，似三文治咁，底面薄薄炸漿，極度鬆化，中央薄的一片豬排肉，非常鬆軟，咬一口，口感正到難以形容！沙律汁同樣超正，濃郁的柚子味，酸甜美味。Spoon Pizza 有創意，選了小蝦番茄，因為唔可以再食肉，味道好，芝士豐富，但其實是通粉，同pizza無關，無薄餅啲，或者要加想像，個樣似，但值得讚的是用個燭臺熱著，芝士煮到滾熱，能夠保持半溶。我飲朱古力酒花冰，耐飲，濃郁朱古力及奶香，而且有豐富配料，Oreo 餅、梳打餅，唔會唔滿足。有韓國坐陣，員工非常年青有禮貌，梳乎之選。