竹串日本料理 (已結業)

喺金钟呢个地方大大话话返咗差不多一年工，有咩好食唔好食都试过，成日都去出去远啲既地方探吓险。最威水最远都系去吓湾仔，咁啱有个同事话不如坐地铁去再远少少，咁就变咗胆粗粗一齐坐地铁去铜锣湾揾食啦。一坐低我哋怕食唔切就快速点餐，分别点咗极上鱼生饭及极上鳗鱼丼饭。侍应点完餐就马上送上热茶，沙律同小食。等咗唔洗十分钟，我哋个主食就到啦，佢呢度嘢食如果只能用一个字黎形容，一定系用个［巨］字。极上鱼生饭－以佢呢个价钱，佢真系CP值好高，佢既刺身全部都劲厚切，啖啖肉得黎又新鲜，朋友话好欣赏佢𠮶只劲大牡丹虾同带子。极上鳗鱼丼－一上菜时真系哗一声，个卖相真系超巨大，系一整片鳗鱼免切！忍唔住即刻同朋友打卡相机食先呃like。面头既鳗鱼烧汁同鳗鱼都好香喷喷，未食之前仲喺度谂咁大旧一定食唔晒，最后系食得晒，因为真系好香热辣辣，不经不觉就食晒佢啦。😅食完我哋就马上埋单走人赶返公司，侍应劲好人拎住两粒雪米糍追出黎比我哋话系我哋既甜品。总括黎讲，佢呢度既LUNCH SET都真系几抵食。有机会可以再坐地铁过黎食。🤣