莎樂美餐廳

营业中

休息中

莎乐美听咗好多年，但一路都冇试过 。有啲朋友话佢哋啲扒系唔会食得晒㗎 (好似好夸张咁㖞)咁等我今日去挑战下先 ，餐牌有好多款拣，最后决定咗叫铁板洋葱猪扒餐同铁板夏威夷鸡扒餐。铁板餐嚟之前有餐包同餐汤，可以拣罗宋汤/ 周打鱼汤 。好快过扒就到啦，一上枱真系哗出声同讲咗句:我应该食唔晒。鸡扒有两大旧，而猪扒有三大块，你仲可以拣白饭或者意粉。扒下面仲有我好钟意食嘅薯菜，最后我真系食唔晒。收晒所有野之后，仲有雪糕送呀，不过我系食晒杯雪糕嘅 。我仲见到隔离枱有人食什扒餐，而个份量仲夸张 (我好似大乡里出城咁)。不过呢度嘅扒真系份量多，价钱又实惠。