Burgeroom (美麗華廣場1期) (已結業)

喺我嘅汉堡包店List上面，Burgeroom系头3位；味道好、选择多、价钱合理同埋地点够晒方便。除咗一般嘅牛肉之外；仲有鱼、海鲜、鸡、鸭同埋素类。仲可以再加Topping... 有选择困难症嘅朋友，嚟到呢度真系头痕 。今晚我就点咗牛肉类，烟肉芝士牛肉汉堡＋芝士蛋牛肉汉堡。每次嚟食当侍应放个汉堡上台，我都会忍唔住映相；因为份量真系好浮夸。一口咬落去永远都唔到底，牛肉厚度好够，口感扎实而且充满肉汁；一路食d肉汁仲会一路滴 鸡蛋同牛肉一样厚厚的，但煎得一d都唔老食汉堡又点小得佢好朋友薯条呢，叫咗芝士旋风薯条；扭扭薯条配上半浴嘅车打芝士。另外再加多个牛油果酱芝士薯条，粗薯条上面再混合几款酱；正呀每次嚟都食唔晒，如果一个女仔食的话；单点1个汉堡已经非常足够。