一樓咖啡室 (已結業)

今日行街，行累了就到就近怡东酒店食自助午餐。我哋被安排坐喺kids corner, 好嘈啰! 好多小朋友走嚟走去。侍应倒左杯水,但个杯劲多迹食物款式不多，虽然唔知咩主题，但我见有泰式沙律，四川水煮鱼，印度咖哩食品…我可以估计系多国美食。其中沙律不错，有几款已捞好的沙律供选择-吞拿鱼沙律，烤牛肉沙律，猪肉沙律。另外亦有沙律配料如粟米，黑豆，多种蔬菜供自行配搭。其实热食部份就唔系好吸引到我喇!事关𠮶啲越南春卷、胡椒猪肚汤、粉丝南瓜我觉得个卖相唔讨好。 所以我行咗好多次，都冇夹到。食物名牌冇放系当眼位咖哩𠮶部份更加唔使预我喇 !一啲兴趣都冇仲有一啲粥粉面，都系丸类，冇惊喜。我都系专攻甜品，榴梿芝士蛋糕做得最出色，入口有芝士味和好浓烈榴梿味，我想等佢清哂第一盘再出第二盘个阵再攞，好可惜唔够时间。芝士蛋糕味道适中，饼底都可以。至于榴梿菠萝包，入口有榴梿香味，但菠萝包皮是冻又唔脆。