富臨皇宮 (已結業)

呢一间北角嘅富临皇宫，出咗名多福建人帮衬，8月11号，中午12点，我路过上址， 于是就上去外买一个"福建炒饭"畀我呢一个朋友食，而我呢个朋友，就系啱啱8月11号由福建蒲田受聘嚟香港工作5小畤嘅朋友。我就买咗两个福建炒饭一齐食，佢一盒我一盒。福建炒饭，个饭明显用豉油炒过，都有少少鸡蛋但系唔多，𩠌料唔系好丰富，但系都有啲虾粒、火腿、菇、红萝卜、瘦肉、菜粒，基本上所有𩠌料都食得出好大阵雪藏味，而且个芡汁好咸，个饭都系好咸。如果系一般茶餐厅嘅话，我勉强会收货，但系要知道呢一间系酒家，唔系茶餐厅 ;我同朋友超失望。