愛文生

营业中

休息中

终于来一试爱文生，估唔到，真系估唔到可以咁难食。两个人叫咗椒盐九肚鱼，咕噜肉，同埋小炒王，小弟认为呢三样系大排档嘅指标性食物，虽然几乎所有大排档都有呢三样小菜，但系咁就可以最容易比较。椒盐九肚鱼拎上嚟竟然唔热，啲鱼又少肉亦都炸到干晒，入面完全食唔到九肚鱼应有嘅嫩滑，因为根本就干晒，成碟就好似食紧一碟炸粉浆，入面冇底味，外面亦都冇味。咕噜肉，外观OK，但系粉浆超厚而且又硬又韧，旧肉超干又冇底味，好似雪咗好耐而且再返炸，今次真系大开眼界竟然有大排档做到咁差嘅咕噜肉，老实讲两𩠌饭嘅咕噜肉好食过佢多多声。小炒王，成晚三碟之中稍为正常嘅一碟，偏咸但，冇镬气，碟嘢仲偏湿添。深水埗区嘅小菜馆，例如万发，容记，增辉，小菜王，佢哋各有特色、好坏。但今次呢间真系差到一个点，连呢三样嘢都整得唔好，你都唔使旨意我会再嚟食，唔好同我讲话我唔识点𩠌。点解仲有咁多人去帮衬？真系令人唏嘘！