名匯酒家 (已結業)

好耐都冇食过啲咁渣既点心，基本上大部份都要比我地弹，名汇啲蔬菜类点心全部都变坏，我，我妈同姨姨三个都食到酸酸馊馊味，酒楼当然否认。我都好清楚讲肉类点心冇问题，系蔬菜类有呢个问题，包括鲜虾菜苗饺，娥姐粉粿同金钱肚啲白萝卜都出现变坏问题，好唔好食系其次，食物有冇变坏先最重要。凤爪好干冇咩汁，而且过份偏咸，鲜竹卷啲肉馅食落有啲霉，系个海鲜饺好少少咁多，但冇咩味道。除左小笼包干到冇汁，皮超厚，其他点心都算系咁，虽然都系麻麻😕鱼粥其实鱼几鲜，可惜腌得话咸得制，仲有鱼鳞，粥就淡左啲。烧卖不过不失，冇咩特别。唯一鲜虾 腐皮卷处理炸腐皮比较好，冇咩油，但啲虾零鲜味。全个名汇最好食就系咸鱼 肉片饭，咸鱼咸香十足，肉片够滑。