影片
2012-07-10
3226 浏览
呢间嘢实在太差, 冇办法唔写食评, ... 因为有同事离职, 所以近近地就去咗科学园囍庆farewell, 由于一早book咗枱所以唔洗等位。 但系冇谂过饮餐茶食个lunch都搞到一肚火!!! 净系落单都已经要同个staff "讲解" 4次... 我唔明, 2张枱一样order, 1张单X 2 有几难明... 到咗上菜真系比呢间嘢吹胀, 我12点落晒单, 一枱就黎得好快, 另一枱就净系黎咗3样嘢之后就斋坐45mins唔洗食?同D楼面讲叫佢帮手跟一跟D嘢等咗好耐, 佢就"哦" 完就算... 12:45左右 再叫个楼面跟一跟D嘢就同我讲2张枱入单差一分钟所以上菜会差好远, 呢D咩解释!? 周围够有好多迟过我呢2枱嘅客啦...又唔见人地冇嘢食!?3催4请都系冇嘢食, 忍无可忍叫个楼面揾个经理出黎佢就耍我, 走咗去... 呢D咩服务!?之后再一次叫另一个楼面揾个经理, 个经理就话电脑出咗问题, 要再等等....大佬, 我地呢D打工仔得1个钟lunch hour, 加上要D老细坐成粒钟, 10个人分3样嘢食, 仲话要再等!!?? 结果, D老细唔等话要cut单, 就5mins内有...
因为有同事离职, 所以近近地就去咗科学园囍庆farewell, 由于一早book咗枱所以唔洗等位。
但系冇谂过饮餐茶食个lunch都搞到一肚火!!! 净系落单都已经要同个staff "讲解" 4次... 我唔明, 2张枱一样order, 1张单X 2 有几难明...
到咗上菜真系比呢间嘢吹胀, 我12点落晒单, 一枱就黎得好快, 另一枱就净系黎咗3样嘢之后就斋坐45mins唔洗食?
同D楼面讲叫佢帮手跟一跟D嘢等咗好耐, 佢就"哦" 完就算... 12:45左右 再叫个楼面跟一跟D嘢就同我讲2张枱入单差一分钟所以上菜会差好远, 呢D咩解释!? 周围够有好多迟过我呢2枱嘅客啦...又唔见人地冇嘢食!?
3催4请都系冇嘢食, 忍无可忍叫个楼面揾个经理出黎佢就耍我, 走咗去... 呢D咩服务!?
之后再一次叫另一个楼面揾个经理, 个经理就话电脑出咗问题, 要再等等....大佬, 我地呢D打工仔得1个钟lunch hour, 加上要D老细坐成粒钟, 10个人分3样嘢食, 仲话要再等!!?? 结果, D老细唔等话要cut单, 就5mins内有... D老细照样cut单走人...
食物方面...
佢D炒饭同个炆米唔够热, 只系暖... 烧卖好差, 个个同事都一致觉得烧卖冇味, 放入口都唔知自己食紧咩...
其他点心就一般, 冇咩特别, 个人觉得个奶皇包ok...
但顺带一提, 几个月前第一次帮衬, 佢个蛋挞仔完全唔掂, 食落唔热同埋有酸味, 唔知呢D系咪佢嘅特式, 但系比我嘅感觉系唔新鲜...
总括而言, 呢间嘢都唔系平, 但系佢嘅service同味道就同佢嘅价钱成反比... 我唔会再去呢间嘢
查看之前的留言 ()
张贴