影片
更多
2018-01-27
939 浏览
番工放饭break，谂住去食个豪华早餐嘅吉列鱼柳，点知最后成肚气咁走20分order咗自己同另一同事A嘅极品早餐，30分再帮同事order多三个普通早餐大约35分左右同事A嘅餐已经嚟齐，40分左右𠮶三个普通早餐都嚟晒d蛋，包同餐饮去到45分我忍唔住，好声好气向个带圆幼框眼镜，紥低马尾嘅阿姐问：唔该可唔可以帮我跟下个鱼柳啊，我赶时间啊点知个阿姐一句凶埋嚟：你张枱大把野都未到啦！！我都忍住怒火话：所以我咪催下你啰！之后佢冇应我就走咗到50分我坐其他枱嘅同事都食晒准备走喇，我又问下阿姐，佢又爱理不理话声好就走咗去到55分，我都就嚟迟到，就再问多次，佢又系hea应我隔咗一两分钟，佢终于行过嚟，丢低四个字：冇鱼柳㖞一句唔好意思都冇，态度仲要带d不屑我真系火都嚟，问佢：冇鱼柳你唔一早讲？要我等足咁耐？佢仲好理直气壮话：我啱啱先知咋㖞我又问佢：我落单超过半个钟，你宜家先话啱啱知我个餐冇？？咁之前问你三次你又唔讲？佢仲大声过我话：我啱啱亲自落楼帮你问架！之后仲即刻话你知啦！我真系嬲到震，同佢讲：你喺度番工，唔系你问唔通我要自己入厨房问啊？佢仲诸多藉口，态度极差，半点唔好意思都冇，最后仲类似讲咗句咁厨房
20分order咗自己同另一同事A嘅极品早餐，30分再帮同事order多三个普通早餐
大约35分左右同事A嘅餐已经嚟齐，40分左右𠮶三个普通早餐都嚟晒d蛋，包同餐饮
去到45分我忍唔住，好声好气向个带圆幼框眼镜，紥低马尾嘅阿姐问：唔该可唔可以帮我跟下个鱼柳啊，我赶时间啊
点知个阿姐一句凶埋嚟：你张枱大把野都未到啦！！
我都忍住怒火话：所以我咪催下你啰！之后佢冇应我就走咗
到50分我坐其他枱嘅同事都食晒准备走喇，我又问下阿姐，佢又爱理不理话声好就走咗
去到55分，我都就嚟迟到，就再问多次，佢又系hea应我
隔咗一两分钟，佢终于行过嚟，丢低四个字：冇鱼柳㖞
一句唔好意思都冇，态度仲要带d不屑
我真系火都嚟，问佢：冇鱼柳你唔一早讲？要我等足咁耐？
佢仲好理直气壮话：我啱啱先知咋㖞
我又问佢：我落单超过半个钟，你宜家先话啱啱知我个餐冇？？咁之前问你三次你又唔讲？
佢仲大声过我话：我啱啱亲自落楼帮你问架！之后仲即刻话你知啦！
我真系嬲到震，同佢讲：你喺度番工，唔系你问唔通我要自己入厨房问啊？
佢仲诸多藉口，态度极差，半点唔好意思都冇，最后仲类似讲咗句咁厨房冇鱼柳又唔关我事咁你想点啫之类嘅说话
我真系把鬼火，问佢：宜家你究竟乜态度啊？我白等咗35分钟，乜都冇得食，宜家咁样系咪我错先！？边个有问题啊！
佢先至好晦气话：我错啰！
后尾d同事劝我食其他餐，唔好白白浪费饭钟。阿姐又话早餐A/B都都冇，我就嗌咗C餐。点知后嚟听隔离枱嗌B餐佢又冇话冇㖞！都唔知佢有心玩我定最后隔离枱又重蹈我覆辙呢
之后一路食，𠮶个阿姐仲一路大大声同佢d同事呻，俾说话我听，话：真系衰啊无啦啦俾人闹一轮，又唔系我错，关我乜事啫。唔怪得一路都请唔到人啦，服务业系咁惨喇成日要受人气乜乜物物⋯⋯一路单打我直到我走
究竟系乜公司，容许员工态度咁恶劣，搞到好似真系我错咁。本身想同佢老板反映，但睇到呢度咁多差评又心谂：如果老细唔系包庇点会养到d员工咁恶咁嚣张吖嘥气，以后非必要真系唔会再去啰！！
张贴