鳳城酒家 (已結業)

同男友去到沙田行IKEA，谂住饮下茶食个LUNCH，咁见鳯城无人排队，但入面又高朋满座，应该都吾会好差。坐低，先开茶，见到竟然系用茶包，饮茶吾系用茶叶咁点算系饮茶。。。再嗅下竟然啲茶系一阵怪味，不过都吾系好过份。之后再睇下有咩食，见到人哋食笼仔河鲜蒸饭，卖相都吾差，便ORDER左一个，再加两个点心，一个流沙奶皇包，一个小笼包，味道如下：笼仔河鲜蒸饭 - 饭吸晒河鲜味道，感觉好腥，可能蒸得耐，所以河鲜上枱时已经散晒，感觉好似食鱼仔饭咁小笼包 - 一笼得三件，蒸得未够熟，皮边尚有少少白边，但还可以做到皮薄馅靓，尚算可以流沙奶皇包 - 以前食过真系好流沙，但今次食好似有少少偷工减料，包厚左好多，流沙好少，味道还可以服务方面，好差，叫人加茶及俾豉油，应完你竟然会一声不响咁走左去，要叫好多次先有人做。以后有机会去开沙田食饭，真系吾会再去，除左茶品食物吾系得之外，服务都吾得，去来都无谓。