大師兄 (已結業)

不嬲都帮衬开大师兄，贪佢食物好食，性价比高。每次帮衬都系外卖自取形式，因为佢啲点心蒸饭都系即叫即蒸，所以老板建议客人可以预早20分钟打电话叫定外卖，然后自取。但最近两次遇到极奇怪的待遇。一次系上星期五，有个广东话都未讲得正既阿姐打黎吹攞外卖，20分钟都无，吹到裤甩。今晚又遇到同样事件，又系𠮶个眼大白净广东话都未讲得正既阿姐打黎，我问佢其实你吹咩呢？都系20分钟啫，我求先搭紧巴士刚刚先落车，宜家赶紧过黎，有得快我都想快啲，你系咪好赶住收工呀？跟住佢好有道理咁话，哦…唔系，我惊你啲野食冻咗唔好食啫，吓... 咁都得? 啲食物系我既，冷热又如何呢？反正我返到屋企都要等埋屋企人返齐先开餐，唔通我又好似佢咁打电话吹我啲屋企，然后话，无...我惊啲野食冻咗唔好食啫。唉...真系唔明内地同胞既想法。呢啲咁既阿姐可能平日太得闲，老板若果睇到呢个食评，记得比多啲野你𠮶个又勤力又关心食客既伙记做，好好发挥员工所长，善用资源，唔好浪费咗佢既才能。