御苑皇宴 (已結業)

同阿妈去饮早茶,唔想行得太远,所以就去咗附近嘅megabox.今日就拣咗依间御苑皇宴,其实一路都有去开,发觉点心嘅质素真系每况愈下. 几钟意食怀旧点心,所以叫咗个烧腩卷,真系大失所望.啲皮又实又韧,完全唔松软,只有隔咗夜嘅包先至会有呢种质感,其实就咁望落去都已经睇到.里面嘅烧腩仔干争争,而且非常细嚿,真系非常差.粉果𠮶层皮厚到呢,而且一夹上嚟就黐实对筷子.加上因为皮厚而破坏晒质感,里面嘅馅料又颇为清淡,可以话系冇嚟闻味.总之食落去就系一块冇味嘅厚皮加上冇味嘅馅料.如果合埋眼食完都唔知食咗乜.奇怪喇...腐皮卷明明浸著汤㗎㖞,点解食落去会觉得又干又嚡嘅呢,上面变咗色𠮶挞嘢系咪因为晒伤咗?依一碟蚬介鲮鱼球竟然就咁样上枱,系咪原本一家四口,其中一只鲮鱼球唔生性离家出走?算,圆形嘅嘢碌嚟碌去系正常物理现象,虽然我从未见过咁样.点解可以炸得咁唔靓,咬落去真系冇炸过嘅感觉㗎㖞.仲有,蚬蚧点解可以稀释到好似1比99咁,唔通厨房搞紧环保. 老实讲,通常一间餐厅就算食物再差我都总会揾到1,2个优点,老板都系揾食啫,又唔好讲得太尽.阻人揾食犹如.... 我一向系咁谂嘅.但系今次咁差劣嘅食物质素实在令我不吐