亞越泰 (已結業)

和太座送完小猪返学，两公婆要食个早餐充电，太座提议去京瑞找吃，揸车到门口竟然有位泊真系难得，因为我觉得呢条街24小时都泊满车，落车见到呢间食东南亚菜，咁早有早餐食，就入去试吓，当然食D平时少食嘅早餐啦，我就点咗猪排金边粉，太座就要个早晨全餐，睇卖相就真系好正，不过味道就好差，先讲个粉，汤好淡，猪排鞋已经宣布呢个食物玩完，仲要D金边粉都鞋口，食咗一半就放弃，饮啖冻奶茶，大镬，甜过我食碗红豆沙，虽然冇预算喺呢D餐厅饮到靓奶茶，都唔好咁甜吖；太座个全餐单睇上碟真系冇得弹，可惜味道完全唔掂，太座话唔识形容，我一啖都冇试所以留俾太座自己出食评，只知道杯冻柠茶又系好甜；早餐食到咁，晚餐我都几难再试佢，希望见到有好评，等我有勇气再去