影片
更多
2022-07-02
248 浏览
6月30日吃完晚饭，姨甥女想吃绵绵冰我就记得松记有，一行四人过嚟食点知超超差🤮🤮由我中学年代已经喺长沙湾𠮶间帮衬开最少食咗二十几年，咁多年佢喺我嘅眼中系正常价钱嘅糖水舖唔系标榜行精致贵价，选择多men 易睇，至少咁多年冇烂嘅生果食完都冇伏感，但今次食完再睇埋其他嘅评原来佢都差咗好耐，真系以后都唔使去和身边朋友都可以讲声。咁我知道太子呢间系畀长沙湾嘅贵嘅，因为太子呢间我都食过好几次，印像中对上一次都应该有大半年前，太子糖水舖唔算多但好几间都正常，所以每晚饭完要食糖水都唔会特登过去食佢，今次为咗食绵绵冰三个大人就陪住去。。。讲返嘢食～看图一(冇标价钱)。家人点了C33(芋圆海底椰西米汤圆)可惜我净系影咗自己食嘅相片，同绵绵冰的相片，因为冇谂过差成咁真系冇谂过写食评，单据又唔记得影。呢一版C子头成板冇标价，谂住松记贵得去边丫四十蚊碗都预咗，点知单嚟到睇到53元其实价钱都算但最紧要真系难食到顶点。前后叫咗四样嘢食1.(芋圆海底椰西米汤圆53元) 2.(双色什果绵绵冰59元) 3.(海底椰子米露35元) 4.(紫薯芋圆仙草冻39元)1.西米露超稀.冇椰汁味系一个超稀嘅奶水.冇味嘅.汤圆
可惜我净系影咗自己食嘅相片，同绵绵冰的相片，因为冇谂过差成咁真系冇谂过写食评，单据又唔记得影。
呢一版C子头成板冇标价，谂住松记贵得去边丫四十蚊碗都预咗，点知单嚟到睇到53元其实价钱都算但最紧要真系难食到顶点。前后叫咗四样嘢食1.(芋圆海底椰西米汤圆53元) 2.(双色什果绵绵冰59元) 3.(海底椰子米露35元) 4.(紫薯芋圆仙草冻39元)
1.西米露超稀.冇椰汁味系一个超稀嘅奶水.冇味嘅.汤圆应该仲系自己包嘅味道正常.有3-4片薄片海底椰.因为唔系我食我问食𠮶个咁稀有冇味佢都话冇味，真系糖+水啰唔知食乜出。
2.双色什果绵绵冰.绵绵冰冇以前整得咁高咁松，杂果只有两种果得最cheap嘅西瓜同哈蜜瓜，就连一两片嘅士多啤梨奇异果都唔系贵嘅嘢都冇。
3.海底椰子米露.鬼口水咁好杰pat嘢咁，都系得三至四片好薄嘅海底椰，呢个家人食咗就算冇形容畀我听点难食，只话杰挞挞黐住个口好难食。
4.紫薯芋圆仙草冻，我叫咗多奶多年嚟我都系食多奶的，咁松记嘅奶系忌廉奶嚟嘅，忌廉奶系有种香味唔同鲜奶，但呢碗都超差，又系鬼口水咁，啲奶无味就系一pack白色嘅鬼口杰液体，唔知佢用咩整出嚟，冇奶味嘅都系得糖加水嘅味，净系食到甜味，仙草都食咗咁多年，佢都可以系冇味道的，仙草应有嘅口咁佢有嘅，红豆尚算淋，芋圆比出面大粒，口感可以，但不算强牙，至少唔系石头咁硬，但食唔到芋圆该有嘅番薯芋头味，旧紫薯最正常，但应该系紫心番薯唔系紫薯，食落去唔似紫薯，系烚熟咗再整返个型出，都仲食到粒粒冇点样整烂。整体超级差冇下次，佢以前个menu都好清晰，分晒大西米/凉粉/豆腐花/一个个系列，而家个menu真难睇，加咗价唔紧要，都要畀番咁嘅质素人食，糖水咁好赚都整到咁真系可以88了。
张贴
