楊氏肉骨茶 (已結業)

阿「百有」煮嘢食有一手，阿K都经常挂在嘴边，唯独系本「肉骨茶」系佢嘅盲点。如是故阿K对肉骨茶有一种特别嘅抗拒感。不过凡事都冇绝对嘅，阿K留意到我地屋企附近有一间「肉骨茶」嘅专门店，阿K响我还在澳门工作时已经想同我一齐去，可惜我每次都冇时间去。是晚我地终于有机会一尝呢间食肆嘅美食。店内有多幅海报介绍此店嘅精选菜色，除咗「肉骨茶」之外，仲包括切鸡类。见隔离台唔系食鸡就系一煲肉骨茶，我地心有灵犀，同时叫呢两款菜。我地叫咗个原味肉骨茶，但系切鸡就卖晒，阿K于是乎以「上海粗炒」代替，再加一个鸡油饭。「肉骨茶」嘅汁呈深啡色，入口有一点甘甜，我想系放咗几旧半肥肋排嘅缘故，亦有少许药材味。虽然我觉得味道不错，但系与我食开嘅肉骨茶有一点距离(注：我心目中嘅肉骨茶应该系深啡近乎黑色嘅茶，好似普洱咁)。肉炆得好腍，十分容易嘴嚼消化；鸡油饭好香，提振食欲功不可没；至于粗炒面系出乎意料之外嘅美味，面条有口感之余，亦十分香(阿K发现面里面有一粒粒类似猪油渣嘅物体，这可能就系炒面味道浓香之源)。当我地享受紧我地嘅美食之余，侧闻迟来嘅顾客欲嗌某些堂食但向隅，负责人还建议下次再光临嘅话可预先订心目中想要嘅食物。哗！系咪