唐包點

营业中

休息中

近中秋比较忙，夜晚要留系公司加班，又唔想食饭，于是就谂起落中环地铁站内近K出口间『唐包点』，买咗个菜肉包及馒头，价钱系中环嚟讲，真系好抵！分别只系$7及$5，当俾完钱后，店员打开蒸柜门取包时，竟然见到每个包都已一早用纸包住咗，张纸摸落又唔会湿，只摸到热，而且张纸仲印咗包嘅名，如果买得多返去食，都唔惊食错，就算请同事食，都觉得好干净，好方便！唯一觉得不太环保，而用纸袋入起嘅蒸包，感觉好似食紧西式包咁。当我打开包装纸后，第一时间食馒头先，因为馒头无馅，可以最快食到蒸包嘅面粉味，然后再食菜肉包，未食菜肉包都已闻到菜肉嘅香味。总结：价钱超抵，味道都可以，唯一就系蒸包嘅外层块皮唔够软，有啲硬，而馒头内层如果可以再松软啲，咁就真系“平、靓、正！