湊湊火鍋‧茶憩 (如心廣場二期)

营业中

休息中

真系无谂过会咁差，佢哋应该专注做打边炉，唔好搞咩定食啦。我去过好几间分店食打边炉都几好嘅，但系荃湾呢间就第一次，谂住试下佢哋D定食啦，点知真系好后悔，浪费晒D quota。唔只定食味道差，呢间D服务都好差。我同个 friend 叫咗个台式三宝面（牛肉，牛筋，牛肚）+ 炸猪饭。 个面来到真系吓亲，以为其他客人食剩凑一碗俾我咁，汤面连汤都差D见唔到有。我自己屋企煮都好食过佢，差差差。 个猪扒咸，肉燥唔好食，隔离𠮶间台湾快餐好食过呢间多多声。叫咗杯大红袍珍珠奶茶，无茶味，得奶味。间铺头好似唔够人手，遇溺式举手都要等足5分钟先落到单。佢哋应该考虑用 QR code 落单啦，upgrade 下啦。真心奉劝大家来呢间唔好食佢D定食啦，食完会唔多开心，睇下个餐来到时个样就知道我呢餐食得有几失落了。