another hound café (新城市廣場一期) (已結業)

之前的Greyhound 依家转咗个名，保留返以前Greyhound嘅Menu，但就突出以泰式菜为主打，但转左名之后觉得质素都下降了。三文鱼配泰式辣汁 三文鱼配上熟悉嘅酸酸辣辣嘅泰式辣汁，几开胃过瘾。不过个汁都几辣。泰式柚子沙律 份量唔大，柚子唔甜冇咩味，太多酸甜汁喺底，导致食到最后劲酸。泰式牛肉及牛丸船面 汤底唔系平时船河𠮶种非常浓郁嘅牛肉味，而系牛肉清汤再加酸酸地嘅柠檬味道，比平时食开嘅船河清淡一点同酸一点。牛肉冇嗌和牛，只系嗌咗普通牛肉，但系使唔使咁难食，劲难咬又鞋口。好少食牛河会食到质地咁硬咁差嘅牛肉。牛丸冇味劲普通。泰式金不换蚬煲 期待有好香嘅金不换味，但系真系食唔到咩香草味， 蚬肉一啲都唔鲜甜，劲冇味。椰菜苗炒猪腩肉 所有𩠌之中，呢碟系最好味。椰菜苗爽甜，加埋比较浓郁嘅面豉酱味道，整得好惹味。带子芦笋香草宽面 带子每只切咗一半，味道正常。意粉系忌廉汁加pesto 香草酱，味道可以。泰式银鱼柳意大利面 茄汁蓉为主，再加少少鱼露味。最失望系意粉整得非常腍，一啲都唔爽硬。同埋啲汁好多，成件事湿湿立立，唔系预期中干爽辣辣地咸香嘅味道。食到最后觉得好咸，唔好味。环境：★★★☆☆ 食物