金鳳大餐廳

营业中

休息中

国庆去到话要等，等咗一个钟惨过食大家乐。场细，即刻全部缩埋一旧坐，员工服务态度又差，成碗汤仲有一半净饮紧，佢要上扒张枱冇位竟然想收走碗汤，话未饮完，仲好似个客唔岩。见着隔篱个侍应倒啲汁落客人个身，整到人哋条裤，系个客自己用纸巾兜住。但员工第一时间唔系放低手上嘅嘢帮手抹，而系继续攞第二个汁淋落另一个客旧扒度，完全冇理过个客。食物质素差，叫个五成熟嘅扒上到嚟系冻嘅，铁板上面嘅薯条都仲热过旧扒嘅外表，同枱叫七成熟嘅扒上到嚟应该得三成，叫佢再煮过拎到出嚟就烧到黑晒。咁嘅价钱食咁嘅食物质素服务态度环境，会建议大家去快餐店好过。