18 Restaurant (已結業)

本来唔信团购，但见人哋就算买团购质素都唔会太差，终于都试吓。点知一试难忘。1. 订咗位又话冇订，有埋电话call history都话冇收到电话，讲完一轮都系畀返门口位。2. 选择劲少，所谓刺身只有三文鱼同最cheap𠮶只蟹柳两款。生蚝一轮轮，唔新鲜又完全冇味。热盘十样都冇，全部都系煎猪牛鸡羊加啲汁。甜品见到都唔开胃，啫喱糖成pat嘢咁。3. 所有嘢食十世都唔refill，不论系贵价嘢如鹅肝定最cheap嘅法包都好耐唔refill。啲碟吉嘅时间仲长过有嘢食嘅时间。4. 团购卖点系煎鹅肝，但一来每次出十零粒，成晚出得两三次；二来质素劲差有酸味又煎唔熟；三来下面垫麦包，麦味大过鹅肝味，连法包都悭。咁难食嘅酒店buffet真系第一次遇到，仲差过k buffet。而价钱竟然同排晒队嘅放题一样，真系坐喺度都觉得嘥时间！