十三姨酸菜魚 (Mikiki) (已結業)

寻晚第一次帮衬，点知留下不可磨灭嘅回忆。两款汤嘅酸菜鱼都难食到极，完全冇风味可言。首先好咸，一咸就冇鲜味，蕃茄汤就金宝汤味，唔酸，咸到苦，唔够热个下食到你想呕。另外一个汤嘅酸菜鱼都系咸味，冇鱼味，总之就系浓浓嘅公仔面汤粉味。粉皮仲恐怖，「梅」嘅，𣺉pat pat的，一夹就烂，酱汁又难食。炒扁豆，明明话唔辣但又用辣椒炒，死咸味，落好多味粉。个皮蛋都系唔好食，得个猪耳叫做正常。未试过嘅朋友真系不值一试，去完会好后悔。