更多
2017-11-19
1329 浏览
如果服务可以畀零粒/负数星星就好了。食物系唔错的,但系啲服务态度超级差, 唔想受气,唔想睇人面色就唔好去啦!不知所谓垃圾态度!其实我真系唔明点解啲人来香港做侍应可以听唔明90% 广东话, 讲更加唔系好识,但英文又唔得,我去Dazzling Cafe啲台湾侍应都听得明广东话㖞,虽然人地都唔太识讲。 但系最惨就系, 佢听唔明,但又唔去揾听得明广东话嘅同事帮手, 老奉要你讲普通话就佢, 佢唔明嘅话佢会黑面啰。是咁的,今日下午去食晏,有个大陆女侍应带位,我地3位,但有一位在楼上睇医生未落黎, 咁我哋坐住等, 我地叫咗一个餐share先,因为想等埋另一位先再叫多啲, 费事另一位呢度嘅时候啲𩠌冻晒,同埋都想佢自己拣嘢食。当时其他大把位,都冇话要唔要等齐人入座了。我地等朋友,好耐都未到,大约过了25分钟, 个大陆女侍应走埋嚟用普通话问我哋点啲嘢嚟齐未,我话黎齐了。 然后佢问我要再点餐吗, 我话暂时唔使住。 佢就好似好赶时间咁想收起晒啲餐牌,仲想收起我未黎果位朋友杯茶, 我就阻止佢,我话我哋有三个人, 朋友未嚟咋, 佢就话:“三个人点一个餐?这样不行!“, 然后继续收。 跟住我话仲有一位嚟紧,佢都要点
食物系唔错的,但系啲服务态度超级差, 唔想受气,唔想睇人面色就唔好去啦!不知所谓垃圾态度!
其实我真系唔明点解啲人来香港做侍应可以听唔明90% 广东话, 讲更加唔系好识,但英文又唔得,我去Dazzling Cafe啲台湾侍应都听得明广东话㖞,虽然人地都唔太识讲。 但系最惨就系, 佢听唔明,但又唔去揾听得明广东话嘅同事帮手, 老奉要你讲普通话就佢, 佢唔明嘅话佢会黑面啰。
是咁的,今日下午去食晏,有个大陆女侍应带位,我地3位,但有一位在楼上睇医生未落黎, 咁我哋坐住等, 我地叫咗一个餐share先,因为想等埋另一位先再叫多啲, 费事另一位呢度嘅时候啲𩠌冻晒,同埋都想佢自己拣嘢食。当时其他大把位,都冇话要唔要等齐人入座了。
我地等朋友,好耐都未到,大约过了25分钟, 个大陆女侍应走埋嚟用普通话问我哋点啲嘢嚟齐未,我话黎齐了。 然后佢问我要再点餐吗, 我话暂时唔使住。 佢就好似好赶时间咁想收起晒啲餐牌,仲想收起我未黎果位朋友杯茶, 我就阻止佢,我话我哋有三个人, 朋友未嚟咋, 佢就话:“三个人点一个餐?这样不行!“, 然后继续收。 跟住我话仲有一位嚟紧,佢都要点餐㗎, 佢先黑口黑面咁样放返低啲嘢。 因为佢唔识广东话,所以佢老奉我全程普通话同佢讲。 其实我地一直好礼貌, 但系你对人好礼貌,人哋未必会对你有礼的。
我唔明点解佢咁急要收起晒啲餐牌同杯茶/餐具 (因为之后食完嘢啲碟叫佢收佢都唔会收), 同埋佢哋有冇写明最低消费 ,假使真系有客人三个人share一个餐佢哋都奈人唔何㗎, 入咗嘅时候都冇讲过。 仲有,入座嘅时候佢一直都冇攞餐牌畀我哋,我要自己去隔离枱啰个午餐牌, 隔咗十分钟佢先拎另一个大餐牌过嚟, 更加唔好期望佢会推介你食啲乜。
我朋友黎到了,我们再点2个𩠌/餐, 个大陆女侍应一直黑口黑面啤住我朋友,可能怪佢迟到?
之后叫啲人加茶, 有个男侍应听完就算,唔会加俾我地, 好似加啲茶 都好难咁, 叫咗两次先有人加,之后叫个大陆女人再加多一次, 今次仲奇怪,明明有三个茶杯三个人,个女人净系加两杯茶,全程黑面。
都埋单𠮶阵时先至有趣,埋单300蚊,朋友交低咗张五百蚊纸畀个男侍应, 然后佢哋两个去厕所(行咗出门口 ),我仲坐咗喺度等佢哋返嚟, 我听到有个男人喺度讲:“唔洗找钱呀?“, 有个女人喺度讲:“ 我见到佢哋两个走咗啰㖞,行咗出去“。 我个心谂, 你地想我地畀200蚊贴士???食懵你班懒人咩! 𠮶个唔想做咁嘅样! 我就坐喺度,睇下佢找唔找返𠮶二百蚊返嚟LOL! 如果佢唔攞返嚟我真系闹爆佢! 咁样嘅服务态度竟然会期望人哋畀200蚊贴士??? 咁最后个男人都有行返转头望下我仲喺唔喺度, 佢见到我仲喺度, 佢个样好似有啲失望 LOL
点都好啦,依间店被列入黑名单了,我以后以后以后都唔会再去,亦都唔会介绍任何人去,我觉得有好多餐厅好过佢, 尖沙咀食韩国嘢都有太多选择吧! 食嘢都要食得有尊严! 唔要睇人面色啰,果啲咀脸真系想一拳打埋去!
张贴