影片
更多
2010-05-23
40 浏览
一行六个朋友聚会BBQ.地点都系首选元朗,见到呢间个个都赞食物一流,但系有一个comment话服务好差都有D心大心细.最尾都本住冒险精神去试一试.之前已经打咗去订位知道BBQ开3点同埋如果要有瓦遮头位要留座就要先比订金.由于唔太确定朋友会唔会甩底所以只系订位无比订金.当日14:30入到去,老板娘都任我地拣位.(P.S.有瓦遮头位约可坐到20多人所以一系就好似我地咁早D到,一系就比订就万无一失喇),虽然我地早咗到但系老板娘都有礼貌咁叫我地坐底等等同埋即系揾人开炉比我地.正式开餐拣野食,唔系讲笑,真系估佢唔到有咁多种类,比起其他BBQ场都要多款同干净,最紧要系自助食几多夹几多唔似一般BBQ场好食嘅就比少少,小丸子就比多到你唔想食.(不过记住唔好浪费,食唔哂每件$5)好味推介如下:墨鱼丸:我由细到大最憎食墨鱼丸因为怕粉,但系呢间嘅墨鱼丸我差唔多食咗一打,唔粉,真系有墨鱼粒,仲想走𠮶阵偷偷打包(当然只系谂下)日本蕃薯:已蒸熟,D皮洗得好干净,好甜(老板娘教先烧到表面收水,搽一次牛油再烧至令身再搽一层蜜糖)好食到停唔到口,我食咗5件,同行一位蕃薯小姐食咗8件鸡翼:自家腌制有4-6款,记得有咖哩,
最尾都本住冒险精神去试一试.之前已经打咗去订位知道BBQ开3点同埋如果要有瓦遮头位要留座就要先比订金.由于唔太确定朋友会唔会甩底所以只系订位无比订金.
当日14:30入到去,老板娘都任我地拣位.(P.S.有瓦遮头位约可坐到20多人所以一系就好似我地咁早D到,一系就比订就万无一失喇),虽然我地早咗到但系老板娘都有礼貌咁叫我地坐底等等同埋即系揾人开炉比我地.
正式开餐拣野食,唔系讲笑,真系估佢唔到有咁多种类,比起其他BBQ场都要多款同干净,最紧要系自助食几多夹几多唔似一般BBQ场好食嘅就比少少,小丸子就比多到你唔想食.(不过记住唔好浪费,食唔哂每件$5)
好味推介如下:
墨鱼丸:我由细到大最憎食墨鱼丸因为怕粉,但系呢间嘅墨鱼丸我差唔多食咗一打,唔粉,真系有墨鱼粒,仲想走𠮶阵偷偷打包(当然只系谂下)
日本蕃薯:已蒸熟,D皮洗得好干净,好甜(老板娘教先烧到表面收水,搽一次牛油再烧至令身再搽一层蜜糖)好食到停唔到口,我食咗5件,同行一位蕃薯小姐食咗8件
鸡翼:自家腌制有4-6款,记得有咖哩,洋葱,香蒜,黑椒,不得不提香蒜味系有炸香嘅蒜头喺面,老板娘教用慢火烧,出黎超香口,肉质滑
牛扒:无筋,有牛味,入味
大大鸡全脾:啱哂食肉兽
香草羊扒:通常出面要加$$$先有,呢度都系任食,好味,我系羊精早到都开心
超厚面包:好新鲜加埋佢特别嘅香草牛油少少咸又系好味之选
鸡肾:大件入味
牛丸同牛筋丸:都系靓料弹牙有牛味
总而言之,所有食物都会令你觉得老板娘系有用心去拣食材嘅,收$98一位实在太慷慨喇,相比起其他BBQ场呢度环境真系唔错唔会太迫,另外因为有多棵大树遮荫所以唔系太晒,服务其实真系好过好多地方,最少你要人帮手都紧有一个喺你隔离.我有朋友饮完D汽水罐同用完D纸巾掉到成枱都系老板娘即刻帮我地收拾干净等我地食得舒服D,我唔敢讲呢度D人系最有礼貌,但系比𠮶$98有咁好嘅招待同高质素嘅食物都无咩好投诉!!!
如果想唔晒/无蚊/唔热本人就劝各位千奇唔好BBQ,打边炉都系一个唔错嘅选择!!!
同埋呢度一D都唔难揾,只要坐西铁到锦下路站转的士$20唔洗就到(同司机讲四季豪园对面就OK),如果你拣搭小巴/巴士都OK,不过我唔记得喺边度落车,你可以到之前打去问一问.
我之所以写呢个食评系因为我觉得呢个老板娘做生意系有良心嘅同埋用个心去经营,我都好想呢度可以一路做落去等多D人可以试到好野,当然以后同朋友BBQ我首选都系呢间!!!
张贴