Mamaday (已結業)

Mamaday出品必属佳品，今次第一次嚟到铜锣湾呢一间嘅mamaday 分店，好早已经听人讲过呢一间分店系咁多间环境最舒适，我都觉得系！灯光光猛，打卡好睇，地方宽敞，玩味Cafe，印象10分良好！🌸黑到爆炸墨鱼圈墨鱼滑墨汁炖饭炸鱿鱼圈有三件，每一件都十分之爽口，都几香脆！出去食墨鱼汁好多时都会比较咸，呢道菜完全冇呢个问题，有淡淡墨鱼汁鲜味，唔会太水太稀，反而令整个意大利饭吸收墨鱼汁精华，系encore之选！🌸点解个个都叫软壳蟹pizza 㗎答案好简单，原因真系好吸引呀同埋好好食！落单之后都要等，有机会系新鲜制，等待系值得嘅，软壳蟹pizza大大只，外皮炸香，内里Juicy，再加埋有菠萝在Pizza面头，好清新，Pizza底系薄批，咬落去薄脆，仲有千岛酱喺上面，味道协调！🌸原味芝麻鸡翼呢个同样有惊喜，鸡翼皮好脆，一啖一邪恶，特别欣赏上面洒上芝麻，增加口感丰富程度，调味相当用心，即使系原味，都比坊间嘅鸡翼好吃很多倍！呢间玩味Cafe已经多次回头，精灵搞怪，食物质素相当不俗，我已经变成左佢嘅fans，隔几个月就encore 一次，身边朋友都大赞！