華星客棧 (已結業)

今日攞咗leave，早有预谋要喺屋企附近食个悠闲嘅早餐，所以嚟咗华星。weekday 朝早，大把位，俾我独占咗四人卡位。谂都唔使谂，叫早餐，转炒蛋，火腿通粉(而家冇得转叉烧？)，跟热奶茶。叫咗唔够两分钟，三样一齐上。先食火腿通，佢嘅汤底有一种甜味，令佢同普通茶餐厅有d唔同，好味少少。火腿冇乜特别，但系通粉做得弹牙，呢个真系少有。炒蛋，冇得输！超滑得嚟，又唔会生到蛋汁周围流，又有蛋味。水准极高而稳定，绝对超越澳牛。牛油多士，都系正。厚多士表面金黄脆口，内软而有包嘅甜味，牛油已经溶晒渗晒入去，真系好难好食过佢。热奶茶，香滑茶味浓，但唔会有苦涩味，都系非常高水准。加埋呢班有礼貌嘅侍应，同有软垫嘅座位，都系𠮶句：唔使再去澳牛。