影片
更多
2018-06-09
285 浏览
第一次写食评🙈请多多指教😀铁牛🐃由第一间尖东分店，到现在的旺中分店，我间唔中都会食下。岩去完台湾返黎，想食台湾野嘅瘾又发作，就会好自然谂起铁牛🐃味道👅问心比唔上台湾，但环境都坐得舒服，唔会有限时，可以同朋友慢慢倾下计。以呢个饮食环境，餐饮价钱都算合理，唔贵。今次同一位朋友去食晚餐，好好彩唔使点等位（其实我无一次要等好耐😃）。今次好好彩俾人分到2人位，唔需要搭枱。（有时会搭去4人枱）👭👬一坐低，张枱会放低左餐牌同落单纸（忘记左影），好似画车仔面咁填落张落单纸到，之后自己行去入口嘅收银处落单同俾钱，就可以坐返埋位等食。我地今次就叫左一个餐，再配搭几种小食#上面：奋起湖烧鸡腿排肉燥面鸡腿啖啖肉🍗，上面嘅葱有少少似食白切鸡配嘅葱油味，酱油鸡腿十分入味。肉燥面我就无试，但眼见就似上海面。#下左：木鱼炸豆腐❤️呢个系我次次都会点嘅小食。豆腐用炸浆炸好，然后上面铺上木鱼丝，再加上类似日式章鱼烧嘅酱汁，上面再配埋青瓜丝，食落好香，好有口感。不过今次上菜时已经冻左，所以无平时咁香口。#下右：好芝味芝士花枝丸呢个好普通，只系纯粹炸完几粒花枝丸，上面淋左「黄色嘅酱」。我话「黄色嘅酱」系因为无咩芝士味，唔觉得系
铁牛🐃由第一间尖东分店，到现在的旺中分店，我间唔中都会食下。
岩去完台湾返黎，想食台湾野嘅瘾又发作，就会好自然谂起铁牛🐃
味道👅问心比唔上台湾，但环境都坐得舒服，唔会有限时，可以同朋友慢慢倾下计。以呢个饮食环境，餐饮价钱都算合理，唔贵。
今次同一位朋友去食晚餐，好好彩唔使点等位（其实我无一次要等好耐😃）。今次好好彩俾人分到2人位，唔需要搭枱。（有时会搭去4人枱）👭👬
一坐低，张枱会放低左餐牌同落单纸（忘记左影），好似画车仔面咁填落张落单纸到，之后自己行去入口嘅收银处落单同俾钱，就可以坐返埋位等食。
我地今次就叫左一个餐，再配搭几种小食
#上面：奋起湖烧鸡腿排肉燥面
鸡腿啖啖肉🍗，上面嘅葱有少少似食白切鸡配嘅葱油味，酱油鸡腿十分入味。肉燥面我就无试，但眼见就似上海面。
#下左：木鱼炸豆腐❤️
呢个系我次次都会点嘅小食。豆腐用炸浆炸好，然后上面铺上木鱼丝，再加上类似日式章鱼烧嘅酱汁，上面再配埋青瓜丝，食落好香，好有口感。不过今次上菜时已经冻左，所以无平时咁香口。
#下右：好芝味芝士花枝丸
呢个好普通，只系纯粹炸完几粒花枝丸，上面淋左「黄色嘅酱」。我话「黄色嘅酱」系因为无咩芝士味，唔觉得系芝士酱。
#饮品：冻古早味冬瓜茶
解渴之选，本身我都中意饮冬瓜茶，唔会好甜。但我始终钟情「天xx茶嘅913冬瓜茶」多d。
无理由朋友有面食，我唔叫个饭食下🤣
于是我就另加多个：
#小碗卤肉饭
由于岩岩去完台湾，对台湾嘅卤肉饭念念不忘😭呢到当然完全比唔上台湾嘅香同油（可能每个地方用嘅酱油同食油都唔同，所以食唔出台湾嘅感觉），而且肉粒比较大，但如果想止下口瘾都系一个选择。
正体黎讲😃，铁牛🐃=想食台湾野+坐得舒服+价钱合理嘅选择。
张贴
