自家烏冬 (已結業)

由於番工地點響附近，我間唔中都會去活方買烏冬食雖然出名細碗，不過份量還可以，而且亦覺得味道唔錯不過我真係無諗過今次會差成咁…有圖有真相，個南瓜天婦羅索哂油都算，都唔係黑哂呀？淨係個賣相已經唔開胃…當然，見到佢咁嘅樣都知，食落實係成口油…仲要帶苦味！差！之後到個烏冬，我見到果刻真係呆咗！佢竟然少到用一個之前用泥放湯嘅碗泥放烏冬！少到喊都算，攞開啲豬軟骨就發現，下面少之又少嘅烏冬因為煮得太爛，烏冬上成哂糊！ＯＭＧ！點解可以差成咁？？？你叫我以後邊可能會再幫襯？食咗咁多年，第一次咁失望，亦唔會再去…既然有能力賣行廣告，點解唔努力追求質素？