湘川滬 (已結業)

精明消费的女朋友最擅长团购, 咁啱今期湘川沪有团购, 真系几抵食, 已经好多年无再食过湘川沪, 今次正好趁团购机会返去试多次~~提起湘川沪, 呢间野真可谓系历史悠久, 记得当年最初落户葵青剧院开始, 小弟就已经经常光顾, 几乎称得上系半个饭堂, 想当年湘川沪的食物质素相当高, 而且价钱便宜, cp值真系高到无与伦比, 可惜后来大厨二厨相继离开, 加上多次易手之后, 质素越来越差, 价钱又越加越贵, 渐渐就无再去光顾, 事随几年, 估唔到会返嚟再试多次~~甫一踏进湘川沪, 我当堂吓左一跳, 然后就得啖笑, 是咁的, 皆因店内所有食桌都铺上左酒楼专用果种白色枱布...我心想, 咩料呀? 你湘川沪假假地都算系半间中高档次的菜馆, 如今竟然搞到同屋邨酒楼无分别咁款, 昔日果种文化格调立时荡然无存, 真系唔知好嬲定好笑... 餐牌外观印象中都无变, 好似同当年差唔多款...传说中的「识得饮必定系饮人参乌龙」的湘川沪名茶, 当年简直系招牌咁滞, 可惜今天... 我靠, 怎么我觉得自己在饮的只是加了茶色的水!? @@鸡丝粉皮, 理论上来说冷盘的退步空间相对唔会太大, 事实上都仲勉强keep得住水准~