垚

营业中

休息中

之前都叫过呢间，今次encore咗𠮶海幸鱼生丼，经Foodpanda叫要$205。 𠮶鱼生饭有送沙律同味增汤。 沙律冇咩特别，但系就落座麻酱。我个人钟意柚子醋多啲，希望下次有得自己落或者自己拣。 味增汤有啲啲咸，足料，有海带同豆卜。不过小弟唔钟意饮汤，所以净系试咗一两啖。 海幸鱼生丼（$205）一共有一片玉子、四条蟹柳、四粒带子、三文鱼子同埋象拔蚌。 𠮶饭底有做过调味，甜甜酸酸咁，几特别。左上角红色嘅应该系啲腌制品，但系就好浓味，甚至会盖过咗鱼生嘅鲜味同豉油嘅咸味，食完要饮水清一清条脷，算系一个小小嘅扣分位。 玉子煎得啱啱好。一方面唔会死甜，另一方面仲有少少流心嘅感觉。蛋味好出，食落去唔算太油腻。 蟹柳系仿蟹柳。虽然系咁，但系都有海水嘅鲜味，仿蟹柳嚟讲，算系高级嘅一种。 带子有四粒。每一粒都好厚，唔会有对半切嘅情况。带子鲜甜，好Fresh，而且都算大粒。 象拔蚌嘅份量唔算少。象拔蚌脆身，食落爽口得嚟会有啲啲弹牙。同带子一样，都好新鲜下。 全餐饭都好好味，而且份量适中；唯独系有少少太浓味，所以食完要饮多啲水啦。