巴打麻辣燙 (已結業)

今日放假去咗元朗行街，晚餐未谂到就谂住睇下openrice有咩选择，见到呢间巴打麻辣烫就决定试下。由于可能我去嘅时间都差不多2045左右所以见舖入面得一枱客人。而一入到店门口店员就上前介绍返店入面野食嘅价格，每样𩠌系$8，而粉面每样系$12，自己就觉得价钱都算合理，然后店员就俾咗一个透明嘅盘俾我拣野食。选择方面都算多嘅，但可能食嘅时间太晏，每款嘅数量较少。而我就拣左生菜，花枝丸，鸡胸肉，烟鸭胸，牛柏叶同埋粉丝。因为店员话汤底会偏辣，就算走辣都会有少少辣，所以就要咗走辣。汤底味道方面真系会有少少辣，而𩠌同面味道都算唔错。