家後2.0

营业中

休息中

之前食过家后嘅第一间舖头，虽然佢系一间饺子店，但就已经俾佢个巴斯克烧焦蛋糕深深吸引。见佢开咗一间分店，所以就黎试下佢分店嘅质素。舖头应该啱啱开咗冇几耐，所以装修都好新净，装修风格系小清新。主食方便叫咗八只汤饼同埋八只煎饺，我有椰菜云耳猪肉饺，菠菜猪肉饺，同埋韭菜猪肉饺。呢三款饺子个人最推荐菠菜猪肉，菠菜唔会好老，口感同香味最好。另外汤饼嘅老火汤都非常之足料入味。然后仲嗌咗卤水猪手，同埋一个青菜。卤水猪手炆得好淋最后压轴出场，就系佢哋主打嘅巴斯克烧焦蛋糕，同之前食嘅一样，中间软心，口感棉密，蛋味非常之香浓。食完一件仲想encore第二件。