峇峇娘惹 (MOSTown新港城中心(4期)) (已結業)

老师住马鞍山，拜完年，顺便就响𠮶度食晚饭。行咗商场一圈，就扑锤食呢间马来西亚餐。唔知道系咪因为过年，餐厅内嘅人并唔多，除咗我，只有另外两枱。餐厅风格简约，墙上有幅画，画咗几个著住娘惹衫嘅女人，都叫做有啲马来西亚风味。一个人食饭，冇办法食太多嘢，就嗌咗一个巴东牛肉饭同一份油酥饼。巴东牛肉煑得几腍，亦都妥辣，啱晒钟意食辣嘅朋友。除咗牛肉，仲有些少花生，青瓜同半个蛋做配菜。巴东牛肉嘅份量唔少，足够捞哂成碟白饭！👍油酥饼喺我嘅情意结。喺香港唔容易揾到好食嘅油酥饼，马拉文叫做Roti Canai，所以每逢睇到有呢个小食，就一定要试一下。可惜呢度嘅油酥饼都似其他餐厅咁，非常之一般，完全唔似我在马来西亚食到嘅味道。不过我已经预咗系咁，所以亦都冇话特别失望。呢度嘅饼硬硼硼，一啲都唔松软，反而系个咖喱汁几好。总体来讲，呢间马来西亚餐厅都叫做唔错，尤其是在香港，以咁嘅价钱可以食到啲特色食物都算系咁啦。